Кашни çын хăй çуралса ÿснĕ вырăна кăмăллать, юратать. Çак туйăма мĕн пĕчĕкренех хăнăхтарса пымалла. Виççĕмĕш класс ертÿçи Сергеева Л.Г. çакна аван пĕлет. Çавăнпа та тăтăшах хамăрăн юратнă Чăваш çĕр-шывĕ çинчен калаçусем ирттерет, чăваш халăх сăвви-юррипе, тумĕпе, тĕррисемпе ачасене паллаштарать. Çак тĕллевпех вĕсем шкулти краеведени музейне те çитсе курчĕç. Ĕлĕкхи чăваш тумĕпе, ĕç хатĕрĕсемпе тĕплĕнрех паллашрĕç.