2012 çулхи нарăсăн 6-мĕшĕнче И.Я. Яковлев ячĕллĕ Чăваш патшалăх педагогика университетĕнче регионсем шайĕнчи чăваш чĕлхипе литератури олимпиади иртрĕ. Олимпиадăна Чăваш Республикинчи шкулсенчен пурĕ 130 вĕренекен хутшăнчĕ. Вĕсенчен 72-шĕ чăваш чĕлхипе литературине вырăс шкулĕн программипе вĕренеççĕ, 58-шĕ республикăри чăваш шкулĕсенчен. Кунерти вăтам шкултан ®ак олимпиадăна 10-м‡ш класра в‡ренекен Николаева Наталия хутшµнч‡ (в‡рентекен‡ Милаева Л.В.).

Олимпиадăна килнĕ ачасем Шупашкарти паллă вырăнсенче пулса курчĕç. Педагогика университетĕнчи чăваш филологи факультечĕн студенчĕсем нумай кăсăклă япаласемпе пулăмсем çинчен каласа пачĕç.

Вĕрентекенсем валли педагогика университетĕнче «Чăваш чĕлхипе литературине вĕрентес ĕçри ®‡нĕлĕхсем» семинар иртрĕ. Меслетçĕсем тĕрлĕ çивĕч ыйту хускатрĕç, вĕрентÿ ĕçĕнчи çĕнĕлĕхсемпе паллаштарчĕ®.