Ачасем валли çыракан хĕрарăм çыравçă, Валентина Элпи,  100 çул тултарчĕ. Çавна май шкул библиотекарĕ Антипова Ольга Витальевна кĕнеке куравĕ йĕркеленĕ. Куравра В. Элпин ачасем валли кăларнă кĕнекисем уйрăм вырăн йышăнаççĕ. Çыравçă шкул ачисен савăнăçлă пурнăçĕ, кулленхи ĕçĕ-хĕлĕ, вĕсем Тăван çĕр-шыва епле юратни, шкулта мĕнле тăрăшса вĕренни çинчен çырать. Унăн хайлавĕсенчи ачасем пĕр-пĕринпе туслă пурăнаççĕ, хăйсенчен аслисене итлесе, пулăшса тăраççĕ. Вĕсем пур енĕпе те Тăван çĕр-шыва юрăхлă çын пулма хатĕрленеççĕ.