Асран тухми кукамай,

                Асран тухми асанне,

                Сире чунтан саватпăр,

                Сỹнми телей сунатпăр.

Ҁакăн пек сăмахсемпе пуҁланчẽ Кунер шкулẽнче «Атьăр-ха,  асаннесемпе кукамайсем!» конкурс.

Конкурса  хутшăнакансем: Лукова Любовь Павловна, Смирнова Марина Николаевна, Сорокина Елена  Алексеевна, Григорьева Нина Вячеславовна, Львова Анна Ефремовна, Кузьмина Зинаида Васильевна.

Асаннесемпе кукамайсем  конкурса тăрăшса хатẽрленнẽ. Ҁакăн пек конкурссем иртрẽҁ: «Хăйсемпе паллаштарни», «Мăнукẽсен юратнă апачẽ», «Ваттисен сăмахне вẽҁле», «Ташă конкурсẽ», «Пẽр ыйту – темиҁе хурав», «Ҁẽр улми лартса пуҁтарасси», «Мăнукẽсем валли кучченеҁ» тата «Пултарулăх конкурсẽ».

Конкурссем хушшинче кẽҁẽн класра вẽренекен ачасем тẽрлẽ сăвă  каларẽҁ, юрă  юрларẽҁ.

Хаклакан жюри: Кунерти Культура центрẽн заведующийẽ  Федорова Л.А, вẽрентекенсем – Борисов Ю.А. тата Александрова Т.И. Ку конкурсра выляса яракансем пулмарẽҁ. Асаннесемпе кукамайсем ҁакăн пек номинацисен ҁẽнтерỹҁисем пулса тăчẽҁ:

«Чи пултаруллă асанне», «Чи хастар асанне», «Чи сăпайлă асанне», «Чи тавҁаруллă кукамай», «Чи тарават кукамай», «Чи кăмăллă кукамай».

«Атьăр-ха, асаннесемпе кукамайсем!» конкурс пурне те кăмăла  кайрẽ. Асаннесемпе кукамайсем пирẽн шкула час-часах килсе  ҁỹреме хатẽр пулнине пẽлтерчẽҁ.