Паян, ака уйăхĕн 23-мĕшĕнче, Кунерти пĕтĕмĕшле пĕлÿ паракан вăтам шкулта чăваш чĕлхипе литература эрни пуçланчĕ. Ăна тăван (чăваш) чĕлхине вĕрентекен Милаева Лариса Витальевна уçрĕ. Вăл 1 – 9 классенче вĕренекен ачасене Чăвашкино студи ÿкернĕ «И.Я. Яковлев  çамрăксен чĕринче» фильмпа паллаштарчĕ.

Иван Яковлев тăрăшнипе чăваш тăрăхĕнче çĕршер шкул уçăлнă, нумай çын пĕлÿ алăкне уçнă. Ахальтен мар ĕнтĕ паян, çак мухтавлă çынна хисеплесе, чăваш Улăпĕ тетпĕр.