Паян, ака уйăхĕн 18-мĕшĕнче, Кунерти пĕтĕмĕшле пĕлÿ паракан вăтам шкулта чăваш чĕлхипе литература эрни пуçланчĕ. Ăна чăваш чĕлхипе литературине вĕрентекен Милаева Лариса Витальевна уçрĕ. Вăл 5 – 9 классенче вĕренекен ачасене Чăвашкино студи ÿкернĕ «И.Я. Яковлев  çамрăксен чĕринче» фильмпа паллаштарчĕ, И.Я. Яковлевăн пархатарлă ĕçĕсем çинчен каларĕ, вăл çырнă халалри шухăшсене тепĕр хут аса илтерчĕ.

Иван Яковлев тăрăшнипе чăваш тăрăхĕнче çĕршер шкул уçăлнă, нумай çын пĕлÿ алăкне уçнă. Ахальтен мар ĕнтĕ паян, çак мухтавлă çынна хисеплесе, чăваш Улăпĕ тетпĕр.