Кунер шкулĕнче вĕренекен хастар та пултаруллă ачасем хушшинче Чăваш чĕлхи эрнин планĕпе килĕшÿллĕн «Чăваш республикинчи паллă çынсен çулталăкне» халалласа ака уйăхĕн 20-мĕшĕнче «Куславкка районĕн паллă çыннисем» ятпа презентацисен тупăшăвĕ  иртрĕ. 5 – 9 класс ачисем Куславкка районĕн паллă çыравçисемпе, артисчĕсемпе, спортсменĕсемпе паллаштарчĕç.

Презентацисенче чăваш халăхĕн мухтавлă çыннисен – П.Н. Осиповăн, В.Г. Егоровăн, М.Д. Ухсайăн, Трубина Марфин, А. Смолинăн, О.Н. Ырземăн, Г. Тимофеевăн, Н. Мранькан пархатарлă ĕçĕ-хĕлĕ тĕп вырăнта пулчĕ. Ачасенчен 9-мĕш класра вĕренекен А. Квасковăна, 5-мĕш класри С. Егоровăпа Д. Осташовăна тата 6-мĕшĕнчи В. Николаевăна палăртса хăвармалла.