Ака уйǎхĕн 25-мĕшĕнче  Кунерти пĕтĕмĕшле пĕлÿ паракан вăтам  шкулта «Пĕтĕм чǎваш диктанчĕ – 2022» акци  иртрĕ.

Çак  мероприятие Чăваш чĕлхи кунне тата Чăваш Республикинчи Мухтавлă ентешсен çулталăкне  халалласа Чăваш Республикин вĕренÿ институчĕ, Чăваш патшалăх гуманитари ăслăлăхĕсен институчĕ, «Хыпар» хаçат, Чăваш наци радиовĕ, Чăваш наци телевиденийĕ, Тăван радио, Чăваш Республикин наци библиотеки, И.Я. Яковлев ячĕллĕ Чăваш патшалăх педагогика университечĕ тата И.Н. Ульянов ячĕллĕ Чăваш патшалăх университечĕ йĕркеленĕ.  Акцин тĕп тĕллевĕ – чăваш чĕлхин пĕлтерĕшне, сумĕпе хисепне ÿстересси. Пĕтĕм чǎваш диктантне хутшǎнни  хǎвǎн пĕлÿ шайне тĕрĕслемелли  мел те пулса тǎрать.

     «Пĕтĕм чǎваш диктанчĕ – 2022»  акцие  шкулти 10 вĕренекен хутшǎнма кǎмǎл турĕç. Акцие хутшăнакансем Константин Петровăн хайлавĕ тăрăх хатĕрленĕ «Уçлăхра – икĕ космонавт» ятлă диктант çырчĕç.

 Ачасене пурне те лайǎх паллǎсем илме ǎнǎçу сунатпǎр!